۩ أشياء بسيطه + عند الله عظيمه =......... تفضلوا ۩

السلام عليكم وش أخباركم ياحلوين إن شاء الله بخير.........




الموضوع مبين من عنوانه000 حبيت أنزلكم أشياء بسيطه جدا أسويها في حياتي اليوميه لحد ماتعودت عليها وسارت زي الدواء اللي يداويني ومايضرني إذا زادت جرعته0000





العلاج الأول إذا حسيت بالهم والحزن علطول يجي في بالي دعاء الهم اللي هو اللهم إني أمتك ابنت عبدك ابنت أمتك ناصيتي بيدك ماض في حكمك عدل في قضاؤك أسألك بكل اسم هو لك سميت به نفسك أو علمته أحداً من خلقك أو أنزلته في كتابك أو استاثرت به في علم الغيب عندك أن تجعل القرآن العظيم ربيع قلبي ونور صدري وجلاء حزني وذهاب همي إلا أذهب الله عز وجل همه وحزنه وأبدله مكانه فرجاً 000أحس بعدها براحه عجيبه سبحان الله





العلاج الثاني العلاج الثاني إذا طلعت مثلا لمكان عام زي السوق وطاحت فجأه عيني على شاب علطول أنزل عيني وأقول في نفسي اللهم أغنني بحلالك عن حرامك وأرددها في قلبي حتي أنسى شكله أو أنسى الموقف 00 وعلى فكره نصيحه للبنات حاولوا قد ماتقدرون أنكم ماتطلعون للسوق إلا للحاجه الشديده والله ماورها إلا الفتن وقله الحيا
راح أقولكم الموقف اللي حصلي برمضان اللي فات في العشر طلعت للسوق علشان أشتري جزم الله يكرمكم لي ولأختي وتعرفون كيف السوق برمضان طبعا ظروفي ماسمحتلي أطلع قبل رمضان المهم كان السوق مليان شباب متكشخين آخر كشخه كأنهم رايحين لزواج وتعرفون الشيطان كيف شغال وسوسه وأنا أول مادخلت وأنا أستغفر بس مارتحت أحس أني شلت ذنوب وسرت أدعي بيني وبين نفسي اللهم لاأريد أن أفتتن اللهم أعني وساعدني أني ألاقي شي يناسبني والله الذي لاإله إلا هو بعد3 محلات أو4 لقيت جزمه لأختي نفس نقشه التنوره والمحل اللي بعده لقيت جزمه تناسب تيوري وأنا ناسيه وش درجه التيور 00 شوفوا سبحان الله لأن الله يدري وش بنفسي وصادقه مع الله




العلاج الثالث طبعي ماأشكي لأحد أبدا حتى لوكنت في مصيبه أدخل غرفتي وأنفجر من الصياح بعدين أرجع لحالتي الطبيعيه وماكنت أعرف أن هذا الشئ كويس 00 ليش لأن الشكوى لغير الله مذله هذا أولا ثانيا أستغليت الشي لصالحي وسرت أول ماتواجهني مشكله أو أكون متضايقه علطول أدخل لغرفتي وأقفل الباب وأسجد لربي طبعا إذا كنت طاهره وأدعي ربي وأبكي من قلبي وأشكي له همي والله يابنات تحسين أنك قريبه من ربك وتكرهين تشكين لحد بعد ماتحسين بالراحه الرهيبه والعجيبه............ بنات لاتنسون أنوه قادر على كل شئ سبحانك يالله




العلاج الرابع إذا تعسر معي شي حتى لوشي بسيط علــ طول أقول لاحول ولاقوه إلا بالله أنا أستغرب من بعض الناس إذا جا يصلح شي وتعسر عليه أو خرب عليه تشوفين أمطار من التلعين والسب والشتم 0000 ماأخذت إلا الأثم والشغله تتعسر عليك أكثر





العلاج الخامس إذا ضاع مني شي أو أنكسر شي علطول أقول اللهم آجرني في مصيبتي وأخلفلي خيرا منها 00 وهاذي أنصح فيها البنات اللي أنخطبوا وماحصل نصيب تريحك ويعوضك ربي باللي أحسن





يتبع....